فوتو: اشىق دەرەككوز
جاڭا تەتىك قولدانىستاعى تەگىن رەتسەپت ارقىلى ءدارى الۋ ءتارتىبىن وزگەرتپەيدى. تۇرعىندار بۇرىنعىداي كەپىلدەندىرىلگەن تەگىن مەديتسينالىق كومەك كولەمى شەڭبەرىندە ءدارى-دارمەكتەرىن اقىسىز الا الادى. مۇندا پاتسيەنتتەرگە بىرلەسىپ تولەۋ جۇيەسىنە قاتىسۋشى ءدارىحانالاردان پرەپاراتتى تاڭداۋ مۇمكىندىگى بەرىلەدى. وسى كەزدە دە تەگىن ءدارى الۋ قۇقىعى ساقتالادى. بىرلەسىپ تولەۋ تەتىگى پاتسيەنتتەرگە ءوز بەتىنشە شەشىم قابىلداۋعا مۇمكىندىك بەرەدى. ياعني, ءدارىنى تەگىن الۋدان بولەك, زاماناۋي پرەپاراتتى تاڭداۋعا مۇمكىندىك بار. ءتىپتى, كەيبىر پەرەپاراتتاردىڭ قۇنىنىڭ ءبىر بولىگىن ءوز ەسەبىنەن تولەي الادى.
تولەم مولشەرى – حالىقارالىق پاتەنتتەلمەگەن اتاۋى بويىنشا بەلگىلەنگەن شەكتى باعا مەن تاڭدالعان پرەپارات قۇنىنىڭ ايىرماشىلىعى شەگىندە جۇرگىزىلەدى. ءبىرىنشى كەزەڭدە وزگەرىس «ارتەريالىق گيپەرتەنزيا» اۋرۋى بويىنشا ەنگىزىلەدى. سەبەبى بىلتىر امبۋلاتوريالىق ءدارى-دارمەكپەن قامتاماسىز ەتۋ اياسىندا 3,3 ميلليون پاتسيەنت ءدارى السا, ونىڭ ىشىندە 1,2 ميلليونى ارتەريالىق گيپەرتەنزيامەن اۋىراتىندار بولعان.
تولەمدى «eGov» ءموبيلدى قوسىمشاسىنداعى «الەۋمەتتىك ءاميان» سەرۆيسى ارقىلى, QR-كودى بار ەلەكتروندى رەتسەپت نەگىزىندە جاساۋعا بولادى. پيلوتتىق جوبا امبۋلاتوريالىق ءدارى-دارمەكپەن قامتاماسىز ەتۋگە ارنالعان مىندەتتى الەۋمەتتىك مەديتسينالىق ساقتاندىرۋ قورىنىڭ بەكىتىلگەن بيۋدجەتى شەگىندە جۇرگىزىلەدى.
بىرلەسىپ تولەۋ تەتىگىنىڭ نەگىزگى ماقساتى – ەمشارالاردى جاقسارتۋعا جانە اۋرۋ اسقىنۋلارىن, مۇگەدەكتىك پەن ءولىم-ءجىتىمدى ازايتۋعا باعىتتالعان. بىرلەسىپ تولەۋ جۇيەسى – مۇمكىندىكتى شەكتەمەيدى, كەرىسىنشە كەڭەيتەدى. پاتسيەنتكە تاڭداۋ ەركىندىگىن بەرىپ, ءدارى-دارمەكپەن قامتاماسىز ەتۋ جۇيەسىنىڭ يكەمدىلىگى مەن اشىقتىعىن ارتتىرادى.
